14-февраль күнү УКМКнын Коррупцияга каршы күрөшүү кызматы менен ИИМдин Ички коопсуздук кызматы биргелешип өткөргөн ыкчам иш чаранын алкагында Бишкек шаарында ИИМдин Тергөө кызматынын өзгөчө маанилүү иштер боюнча башкармалыгынын Ж. Н. аттуу подполковник наамындагы тергөөчүсү 1700 доллар пара менен кармалды. Ал бул суммадагы акчаны кылмыш жоопкерчилигине тартылган айыпталуучудан алган.

Ж. Н. Деген милициянын подполковнигин  кармоо КРнын ККнын 326-беренесинин 2-бөлүгүнүн 1-пунктуна  (“Пара талап кылуу”) ылайык, сотко чейинки өндүрүш материалдарынын негизинде жүргүзүлгөн.

Учурда УКМКнын Башкы тергөө башкармалыгы тарабынан тиешелүү ыкчам-тергөө амалдары жүргүзүлүүдө.

Булак: NazarNews.kg