Бир жылдын ичинде глобалдык тармакка 240 миллиондон ашык адам кошулду.

Үстүбүздөгү жылда дүйнө боюнча 240 миллиондон ашык адам интернетке кошулуп, азыр планетанын болжол менен алты миллиард жашоочусу онлайн режиминде — бул Жер калкынын үчтөн бирин түзөт.

Бул тууралуу Бириккен Улуттар Уюмунун маалыматына ылайык, интернет колдонуучуларынын санынын таасирдүү өсүшү жана ошол эле учурда цифралык айырмачылыктардын тереңдеши жөнүндө баяндалган Эл аралык электр байланыш союзу (ЭЭБС) даярдаган докладда айтылат.

Ошого карабай уюмдун маалыматы боюнча, 2,2 млрд адам дагы деле санарип мейкиндигинен сыртта калууда. Бул жалпыга жеткиликтүү жана тең укуктуу санарип мүмкүнчүлүктөрүн камсыз кылуу милдетинин кандай чоң экенин көрсөтөт.

ЭЭБСнин башкы катчысы Дорин Богдан-Мартин замандын талабына ылайык, санарип технологияларсыз жашоо мүмкүн эместигин белгилеп, интернет бардык адамдар үчүн жеткиликтүү болушу керектигин айтты. Байланыштын сапаты — ылдамдык, ишенимдүүлүк, жеткиликтүүлүк жана керектүү жөндөмдөр — адамдардын санарип мүмкүнчүлүктөрүн канчалык пайдалана аларынын негизги факторуна айланып жатат.

Докладда биринчи жолу 5G тармактарына болгон жазылуулар боюнча баалоолор берилген: алардын саны болжол менен үч миллиард, башкача айтканда, бардык мобилдик байланыштардын үчтөн бирине жакыны. Бешинчи муундагы байланыш дүйнө калкынын 55 пайызын камтыйт, бирок жеткиликтүүлүк тең бөлүштүрүлгөн эмес: жогорку кирешелүү өлкөлөрдө жашоочулардын 84 пайызы 5Gге ээ, ал эми кирешеси төмөн мамлекеттерде бул көрсөткүч болгону төрт пайызды түзөт. Ошол эле учурда бай өлкөлөрдүн колдонуучулары жакыр региондордун тургундарына караганда сегиз эсе көп мобилдик трафик жаратат, бул да санарип мүмкүнчүлүктөрүнүн сапатындагы ажырымды айгинелейт.