АКШнын түштүгүндөгү чек ара сызыгынан мыйзамсыз өткөн мигранттардын саны 2023-жылдын октябрь айынан бери 1 млн адамга чукулдап калды, деп «CBS News» билдирди.

Чек ара патрулунун башчысы Жейсон Оуэнстин айтымында, мигранттардын санынын көбөйүшү улуттук коопсуздукка коркунуч туудуруда. «Чек аранын коопсуздугу — улуттук коопсуздуктун маанилүү бир бөлүгү.

Эгерде өлкөгө кимдер кирип жатканы алардын кандай максатта келип жатканы белгилүү болбосо бул өлкө үчүн кооптуу. Алар биздин алсыздыгыбыздан пайда көрүп жатышат», - деди ал.

Ал акыркы жарым жыл ичинде Мексикадан 1 млн адамга жакын мигрант чек арадан өткөнүн, кооптонуу жараткан нерсе бул — 140 миң адамдын из жашырып кеткени экенин баса белгиледи. 2022-2023-жылдары АКШнын чек арасында 2 млн адамдан ашык мигрант кармалган. 2023-жылдын май айында коронавирус учурунда киргизилген депортациядагы өзгөчө режим жокко чыгарылган.

Анда вирусттун жайылышын жөнгө салуу максатында мигранттардын баш-паанек суроо талабы канааттандырылбай келген. Учурдагы бийлик качкын статусун алууга укугу жок мигранттарды департациялоо талабын киргизген.

Бирок ага карабай мигранттардын агымы токтобой келет. Мурдарак Монтана штатынын сенатору Стив Дэйнс 2023-жылы АКШнын чек арасын 50 миңден ашык Борбор Азиянын жарандары кесип өткөнүн билдирген.

Булак: NazarNews.kg