Математик Сидик Афган 2026-жыл тууралуу өзүнүн формулаларына негизделген божомолун сунуштады. Анын айтымында, ар бир өлкө менен адамдын өзүнө таандык “коду” бар жана ошонун негизинде келечекти эсептеп чыгууга болот.

Буга чейин 2026-жыл тууралуу астрологдор Василиса Володина жана Светлана Драган да божомолдорун айтып, аны жылдыздарга таянып түшүндүрүшкөн. Ал эми Сидик Афган математикалык ыкманы колдонорун белгилейт.

Сидик Афган Афганистанда төрөлүп, Россияда билим алган. 1980-жылдары ал “Математикалык философия” деп атаган өзүнүн ыкмасын иштеп чыккан. Ал тарыхтагы мыйзам ченемдүүлүктөрдү жана адамдардын туулган даталарын анализдеп, келечекти эсептей турганын айтат.

Ал мурда СССРдин ыдырашы жана 11-сентябрь теракттары сыяктуу окуяларды алдын ала айтканын билдирет.

2026-жылдан жаңы цикл башталат

Анын айтымында, 2026-жыл адамзат үчүн оор болот. Айрыкча жай айларында көп окуялар күтүлөт. Экологиялык кырсыктар, жер титирөөлөр, суу ташкындары жана цунамилер болушу мүмкүн.

Бул тууралуу математик Сидик Афган:

- Адамзат коркунучта. Жерди учакка салыштырсак, ал азыр кулап жатат, - деп билдирген.

Ошондой эле ал 2026-жылдан баштап жаңы цикл келип, жаман иштерди жасаган адамдар үчүн “жаза мезгили” башталарын айтат. Ал адамдарды биригип, айрыкча жаңы грипп эпидемиясына каршы күрөшүүгө чакырат.

Анын окуучусу, нумеролог Ирина Богуславская да ушул пикирди колдойт. Анын айтымында, 2026-жылды түшүнүү үчүн 60 жана 120 жыл мурдагы окуяларды салыштыруу керек (1906, 1966, 2026).

Ал мындай дейт:

• 2026-жылы жер титирөөлөр, вулкан атылуулар жана цунамилер көбөйөт

• Исламабад, Кабул жана Дели аймактарында күчтүү жер титирөөлөр болушу мүмкүн

• Апрель, июнь жана октябрь эң кооптуу айлар болот

Ошондой эле ал ири өрттөр, кургакчылык жана таза суунун тартыштыгы күтүлөрүн белгилейт. Айрым аймактар, анын ичинде Түркия менен Кипр коркунучта болушу мүмкүн.

Келечекте эмне болот?

Сидик Афган 2055-2065-жылдарга чейин үчүнчү дүйнөлүк согуш болбой турганын айтат. Бирок ал согуш курал менен эмес, электр энергиясы жана технологиялар аркылуу болушу мүмкүн деп эсептейт.

Анын пикиринде:

• Келечекте согуштар жасалма интеллект жана спутниктер аркылуу жүргүзүлөт

• Космосту колониялоо ишке ашпай калышы мүмкүн

• Жерден тышкаркы цивилизациялардан коркунуч жок

Нумеролог Ирина Богуславская да 2030-2036-жылдары жасалма интеллекттин таасири күчөп, адам эмгеги азаярын белгилейт.