Коронавирус чыккан Ухань шаарынын  тургундары соода түйүндөрдө азык-түлүк талашып, мушташууда. Бул тууралуу чет элдик маалымат булактары жазып чыгышты.

Маалыматка караганда, Кытайдын Ухань шаарындагы коркунучтуу илдеттин жайылышы менен жашоочулар үчүн аэропорттор, темир жол станциялары 22-январда жабылган. Көп нерсеге чектөө коюлгандыктан шаар тургундары азык-түлүк талашып, соода түйүндөрдө башаламандык жаралууда.

Белгилей кетсек, акыркы маалыматтарга караганда, Кытайда 830га чукул адам вируска кабылса, алардын ичинен 95и оор абалда, 25ге жакын адам каза болгону айтылууда.

Мындан тышкары, 13 провинциядагы 275 адам жаңы типтеги коронавируска кабылышы мүмкүн деп каттоого алынган. Буга байланыштуу 22-январда коронавирус чыккан, 11 миллион эли бар  Ухань шаарынын Хубэй провинциясына  кирип-чыгууга тыюу салынган.

Эске салсак, аталган оору Тайванда, Түштүк  Кореяда, Японияда, АКШда жана Таиландда катталды. Ал эми Сингапур,  Гонконг жана  Австралияда бул ооруга окшош вирус табылган. 

武汉紧急封城，物资紧缺恐慌，莱价疯涨，大妈们戴着口罩抢菜，大打出手！这次我能理解她们，毕竟是生存之战！ https://t.co/XTuYN5ijpd pic.twitter.com/B9j3anmKqf

— 财经冷眼 (@charles984681) January 23, 2020

Булак: NazarNews.kg