Бүгүнкү күндүн темасы Жогорку Кеңештин депутаты Эмил Токтошевдин байпагы талкууга алынып, социалдык тармакты колдонуучулардын арасында ар кандай пикир жаратты.

Мурдагы белгилүү эркин журналист Дайырбек Орунбеков байпакка чейин түшкөн талкууну четке какты.

--Маалыматты адамдар жан дүйнөсүнө жараша кабыл алат. Аарылар гүлдү, чымындар тезекти көргөн сыяктуу. Бут кийимин кийгизгенге аталарыбыз аман болсун! Эки наристе кыздын жүрөгүн оорутуп, түрдүү кептерди жазбай эле койсоңуздар. "Американын флагын носки кылып кийип алыптыр"-деп кокуйлай бербегиле, Америкалыктар желегин өздөрү деле ич кийим кылып кийип жүрүшөт, алар бул нерсеге салкын мамиле кылышат.

Эмил акенин эки кызы бут кийимдерин кийгизгенге жардам берип жатат. Эч кандай жаман нерсе жок. Айрым өзүнүн дүйнөсү каралар "кызын сыйлабайбы, акмак ата экен"-деп жазышууда. Биринчи үй бүлөөсүн, жубайын, кызын, балдарын кантип сыйлашты өзүңөр үйрөнүп алсаңарчы. Эмил Токтошевдин үй бүлөсүнө, балдарына кылган мамилеси, камкордугу өтө жогорку деңгээлде. Өз үй-бүлөңөрдүн маселесин чечип, кыйратып коюп, тим эле зээригип, башкаларга сын такканга өтө көп убакыт таап алгандай болбогулачы, деп жазган Дайырбек Орунбеков.

Булак: NazarNews.kg