^{Талас шаарында милиция көп кабаттуу үйдөгү батирин мейманкана катары иштеткен тургундарга айыппул салды. Бул тууралуу облустук милициядан билдиришти.}

^{Милициянын маалыматы боюнча, текшерүү иштери учурунда шаар тургундары батирлерин мейманкана катары иштетип жатканы аныкталган. Ага байланыштуу 6 жаранга Укук бузуулар кодексинин 112-беренесине (көп батирлүү үйлөрдөгү турак жайларды пайдалануу эрежелерин бузуу) ылайык 5,5 миң сомдон, жалпы 33 миң сом айыппул салынган.}

^{Айыппул салынган жарандарга мындан ары батирлерин мейманкана катары иштетпөө керектиги эскертилген.}

Булак: NazarNews.kg