Өлкөнүн аймактарында 15-16-апрелде күтүлүп жаткан нөшөрлүү жаан-чачынга байланыштуу сел жүрүшү күтүлөт. Бул тууралуу Кыргызгидромет билдирди.

Синоптиктердин айтымында, бүгүн-эртең катуу жааган жаанга байланыштуу Чүй, Талас, Ош, Жалал-Абад жана Баткен облустарынын тоолу жана тоо этектериндеги райондорунда сел жүрүшү, дарыяларда суунун деңгээли көтөрүлүшү ыктымал.

Ал эми 16-апрелден 18-апрелге чейин күтүлүп жаткан жаан чачынга байланыштуу Кыргызстандын тоолуу райондорунда, Бишкек — Ош автоунаа жолунун 121 (Төө-Ашуу ашуусу), 222-250 (Ала-Бел ашуусу, Чычкан капчыгайы), Каракол — Эңилчек автоунаа жолунун 45-90 (Чоң-Ашуу ашуусу), Барскоон-Ак-Шыйрак автоунаа жолунун 52-68-чакырымдарында (Сөөк ашуусу) кар көчкү түшүүcү күтүлөт. Жолдор тайгак болуп муз тоңот.

Автоунаалардын ортосундагы 500 метр аралык сакталышы керек.

Булак: NazarNews.kg