www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Өзбекстандын президенти Шавкат Мирзиёев 3-июнда телефон аркылуу сүйлөшүүдө Садыр Жапаровду Кыргызстандын Бириккен Улуттар Уюмунун Коопсуздук кеңешине 2027–2028-жылдарга туруктуу эмес мүчө болуп шайланышы менен куттуктады.
Президенттик администрациянын басма сөз кызматынан билдиришкендей, Өзбекстандын башчысы БУУга мүчө мамлекеттер тарабынан Кыргызстандын талапкерлигинин колдоого алынышы Кыргызстандын эл аралык кадыр-баркынын, өлкө жетекчилиги тарабынан жүргүзүлүп жаткан тынчтыкты, туруктуулукту жана туруктуу өнүгүүнү бекемдөө багытынын таанылышынын далили экендигин белгиледи.
Жапаров куттуктоосу жана боордош Өзбекстандын колдоосу үчүн Мирзиёевге ыраазычылык билдирди. Мамлекет башчы ошондой эле шайлоо өнөктүгүнүн алкагында Кыргызстандын талапкерлигин илгерилетүүгө Борбор Азия өлкөлөрүнүн кошкон салымын белгиледи.
Садыр Жапаров Кыргызстан БУУнун Коопсуздук кеңешинин аянтчасында өз ара кызыкчылык туудурган маселелерди илгерилетүү боюнча өнөктөштөр менен аракеттенүүгө даяр экендигин тастыктады.
Телефон аркылуу сүйлөшүүнүн жүрүшүндө лидерлер кыргыз-өзбек ар тараптуу стратегиялык өнөктөштүгүнүн актуалдуу маселелерин, мурда жетишилген макулдашуулардын аткарылышын талкуулашты.
Сүйлөшүүнүн соңунда Жапаров менен Мирзиёев жогорку деңгээлдеги боло турган иш-чаралардын графигин талкуулашты.
< Предыдущий
Следующий >
Последние новости
