Франциянын президенти Эммануэль Макрондун жубайы Брижит Макрон бүгүнкү күндө эң көп талкууланган биринчи айымдардын бири болуп саналат.

Анын популярдуулугуна сырткы көрүнүшү гана эмес, Эммануэль Макрон менен болгон өзгөчө сүйүү баяны да себеп болууда.

Франциянын биринчи айымынын келбети көп жылдан бери коомчулуктун көңүл борборунда. Брижит Макрон туура тамактанууга, активдүү жашоо образына жана сырткы көрүнүшүнө өзгөчө көңүл бурарын айтып келет. Анын жаш кезиндеги сүрөттөрү социалдык тармактарда жана маалымат каражаттарында көп кызыгуу жаратат.

Чет элдик маалымат каражаттары Брижит Макрондун жаш кезиндеги жаңы сүрөтүн жарыялады. Сүрөттө ал мурунку никесинен төрөлгөн баласы менен түшкөн.

Брижит Макрон Эммануэль Макрондон 24 жаш улуу. Алардын таанышуусу Эммануэль мектеп окуучусу кезинде башталган. Ал учурда Брижит болжол менен 40 жашта болуп, турмушка чыккан жана үч баланы тарбиялап жаткан. Ал христиан мектебинде адабият мугалими болуп иштеп, театр ийримин жетектеген. Эммануэль Макрон ошол ийримдин мүчөлөрүнүн бири болгон жана алардын мамилеси дал ошол жерде башталган.

Макрондун ата-энеси бул мамиле тууралуу билгенден кийин, уулун билимин улантуу үчүн Парижге жөнөтүшкөн. Бирок Эммануэль Брижит менен байланышын үзгөн эмес.

Кийинчерээк Брижит жолдошу менен ажырашып, Эммануэль Макрон менен бирге болууну чечкен. Көп жыл чогуу жашагандан кийин, жубайлар 2007-жылдын октябрында расмий никеге турушкан. Ал учурда Брижит 54 жашта, ал эми Эммануэль Макрон 30 жашта болгон.

Брижит Макрондун биринчи жолдошунан үч баласы бар: уулу Себастьян (1975-жылы төрөлгөн, учурда инженер), кыздары Лоранс (1977-жылы төрөлгөн, кардиолог) жана Тиффани (1984-жылы төрөлгөн, юрист).

Брижит Макрондун жети небереси бар.

Чет элдик маалымат каражаттары 73 жаштагы Брижит Макрон 49 жаштагы Эммануэль Макрондон бала төрөй албай турганын жазышат. Ошондой эле бул мүмкүн эмес экени белгиленген.