Учурда “Ынтымак ордодо” Кыргызстандын президенти Садыр Жапаров менен Тогонун министрлер кеңешинин төрагасы Фор Эссозимна Гнассингбенин жолугушуусунда алкагында эки тараптуу бир катар документтерге кол коюлду.

Анын алкагында төмөнкү 8 документ кабыл алынды:

• Дипломатиялык, расмий жана кызматтык паспорт ээлери үчүн визалык талаптарды өз ара жокко чыгаруу тууралуу макулдашуу;
• Инвестицияларды колдоо жана өз ара коргоо жөнүндө келишим;
• Маданият тармагында кызматташуу боюнча макулдашуу;
• Санариптик өнүгүү жана маалыматтык технологиялар жаатында кызматташуу тууралуу меморандум;
• Жогорку билим берүү тармагында кызматташуу боюнча өз ара түшүнүшүү меморандуму;
• Айыл чарба багытында кызматташуу жөнүндө келишим;
• Саламаттык сактоо тармагындагы кызматташуу боюнча меморандум;
• Эки өлкөнүн Соода-өнөр жай палаталары ортосунда кызматташуу тууралуу меморандум.

“Бүгүн эки өлкөнүн ортосунда тарыхый жолугушуу болуп жатат. Бүгүн биз достук атмосферасында мазмундуу жана натыйжалуу кызматташуунун келечектүү багыттарын талкууладык. Анын жыйынтыгында маанилүү макулдашууларга жетиштик. Кыргызстан мындан ары да келечектүү кызматташтыкты улантууга кызыкдар”,-деп белгиледи анда Садыр Жапаров.

Белгилей кетсек, күн мурун Того лидери Фор Эссозимна Гнассингбе расмий сапар менен Кыргызстанга келген. Бул - Того лидеринин менен Кыргызстанга жасаган алгачкы расмий сапары болуп саналат. Ал эми эки өлкөнүн ортосундагы дипломатиялык мамилелер 2015-жылы түзүлгөн.