Өзбекстандын Бухара облусунун Гиждуван районунун тургуну көп аял алгандыгы үчүн бир жылга эркинен ажыратылды. Бул тууралуу өзбек маалымат булактары жазып чыкты. 

Маалыматка караганда,  айыпталуучу өзүнүн үй-бүлөсү менен көп жылдан бери жашап келген жана аялы экөөнүн ортосунда эки кызы бар. Расмий никелүү экендигине карабастан, ал 2016-жылы дин жолу менен нике кыйдырып дагы бир жолу Самаркандда жашаган аялга үйлөнүп алган. Башкы себеби өзүнүн аялы ооруп калып, ага бала төрөп бере алган эмес. 

2018-жылы экинчи аялы ага уул төрөп берген. Соттун жүрүшүндө киши күнөөсүн толук моюнуна алган. Айыпталуучу экинчи аял алганына карабастан биринчи үй-бүлөсүнө жана эки кызына керектүү шарттарды түзүп бергенин айткан. 

Өзбекстан Республикасынын кылмыш-жаза кодексинин “көп аялдуулук” беренеси боюнча сот айыпталуучуну бир жылга эркиндигинен ажыратты.

Булак: NazarNews.kg