“Илита” депутат Кожобек Рыспаевдин туугандары ооруканага түшүп калып, 10 күндөн бери ал жакта жүрүп калыптыр. Мындан улам депутат ооруканалардын маселесин бүгүн, 30-октябрдагы парламенттин “Ар түрдүү маселелер” жыйынында көтөрүп чыкты.

- Мына кардиологиялык клиниканы карагыла, ымыркай балдар болгону 4 эле койкада жатат. Эшикке чыксаң 25 ата-эне ыйлап турат. Тез арада операция болуп атса, дагы төртөө күтүп турат. Лифттери үзүлүп кетип иштебей калып жатат. Мына ушул абалга жетип калыптырбыз, -деп Рыспаев адатынча күпүлдөп салды.

Бул пикири менен бирге Рыспаев премьер-министр жана каалоочу депутаттардын катышуусунда жеринен барып ооруканалар менен таанышуу сунушун киргизди.

Булак: NazarNews.kg