Канададан келген Кыргызстандын жаранын дарыгерлер үйүнөн карантинге алып кетишти. Бишкек ШИИБдин басма сөз кызматы дарыгерлер, санитардык жана эпидемиологиялык көзөмөлдөө станциясынын кызматкерлери тарабынан профилактикалык иштер жүргөнүн билдирди.

Маалыматка таянсак, 3-4 күн бою ал жарандын дене табы жогору болуп турган.

"Ал жаран (эркек киши) чет өлкөдөн учуп келген. Аэропорттон тепловизор аркылуу текшерүүдөн өтүп, андан кийин үйүнө кеткен. Ага дарыгерлер, милиция жана санэпид станциясынын кызматкерлери барып, карантинге алынды", - деп айтылат ШИИБдин билдирүүсүндө.

Булак: NazarNews.kg