Борбор калаабыздын атын жападан жалгыз алып жүргөн, Кыргызстандагы алдыңкы жогорку окуу жайлардын бири, Кусеин Карасаев атындагы Бишкек гуманитардык университети өкмөттүн чечими менен "мамлекеттик" деген статус алып, Кусеин Карасаев атындагы Бишкек Мамлекеттик Университети болуп калды. Өкмөттүн мындай чечим кабыл алынышына бир катар себептер бар.

Дегенибиз окуу жайдын жетекчилигинин бир топ жылдан бери талыкпай эмгектенгендиги, окуу жайдын аброю жылдан жылга артып, эл аралык аренага чыгып 100гө жакын окуу жайлар менен кызматташып иш алып баргандыгы, эмгек жааматтын эмгеги бааланды. Буга чейин гуманитардык статусу тар профилдуү окуу жай катары кабыл алынса, эси мындан ары профили кенен болуп, атактуу окуу жайлар менен кызматташуута шарт түзүлдү. Алдыда Бишкек мамлекеттик университети кулачын кенен жайып, дүйнөдөгү алдыңкы окуу жайлар менен алака түзүп аты далайга угулат деген ишеним зор, деп "Факты.kg" гезити өз пикири айткан.

Булак: NazarNews.kg