Кең-Сай массивиндеги коррупцияга шектелип, дагы 6 мурдагы жана учурдагы мамлекеттик кызматкерлер кармалышты. Бул тууралуу Ош ОИИБдин басма сөз кызматы билдирди.

Маалыматка ылайык, Араван районунун Кең-Сай массивиндеги жер тилкелерин трансформациялоо боюнча дагы 6 мурдагы жана учурдагы мамлекеттик кызматкер коррупцияга шектелип кармалышты. Алар: 

1. Араван районунун Нурабад айыл өкмөтүнүн мурдагы жер адиси 1971-жылы туулган К.Ш.,

2. Араван районунун Керме-Тоо айыл өкмөтүнүн мурдагы башчысы 1955-жылы туулган А.А.,

3. Араван райондук жер ресурстары геодезия жана картография боюнча кадастр мамлекеттик мекемесинин башчысынын мурдагы убактылуу милдетин аткаруучу болуп турган 1961-жылы туулган С.А., 

4. Араван райондук шаар куруу жана архитектура боюнча башкармалыгынын мурдагы бөлүм башчысы 1984-жылы туулган Ш.А.

5. Араван райондук шаар куруу жана архитектура боюнча башкармалыгынын ИЖС техниги 1979-жылы туулган М.З.,

6. Араван райондук жер ресурстары геодезия жана картография боюнча кадастр мамлекеттик мекемесинин башчысынын убактылуу милдетин аткаруучу болуп турган, азыркы учурда ошол эле мекеменин бөлүм башчысы 1984-жылы туулган Х.А.    

Шектүүлөр Кыргыз Республикасынын Кылмыш-жаза кодексинин 336-беренеси (Коррупция) негизинде тергелип жаткан кылмыш иши боюнча шектүү катары убактылуу кармоочу жайга киргизилди. 

Эске салсак ушул эле кылмыш иши боюнча буга чейин 5 мурдагы мамлекеттик кызматкер кармалган. 

Учурда Араван РИИБдин кызматкерлери тарабынан кылмышка тиешеси бар башка атуулдарды аныктоо максатында ыкчам-тергөө амалдары уланууда.