www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Ирандын айланасындагы чыңалуунун фонунда айрым борбордук банктар өсүп жаткан чыгымдарды жабуу жана өз валюталарын коргоо максатында алтын запастарын сата баштады.
CNBC кабарлагандай, ушул жагдайдан улам алтындын баасы төмөндөй баштады.
Маалыматка ылайык, алтындын баасы январь айынын аягындагы эң жогорку көрсөткүчүнөн болжол менен 10% га төмөндөп, бир унциясы 4800 доллардын тегерегине түштү. Түркия мисал катары келтирилип, анда март айында алтын запастары 131 тоннага кыскарганы айтылат. Өлкө бийлиги бул чараны лираны турукташтыруу үчүн колдонгон. Лира жаңжал башталгандан бери долларга карата болжол менен 1,7% га алсыраган. Ушундай эле кадамдарды Гана жана Польша да жасаганы белгиленет.
Акыркы жылдары борбордук банктар алтынды эң көп сатып алуучулардан болуп келген. Дүйнөлүк алтын кеңешинин маалыматы боюнча, 2022–2024-жылдары жыл сайын 1000 тоннадан ашык алтын сатып алынган. Бирок 2025-жылы баалардын жогорку өзгөрмөлүүлүгүнө байланыштуу сатып алуулар 863 тоннага чейин азайган.
Ал эми Россия өлкөсүндө Финансы министрлиги бюджеттик эреженин алкагында 30-марттан тарта кеминде 1-июлга чейин ички рынокто чет элдик валюта менен алтынды сатып алуу жана сатуу иштерин убактылуу токтотту.
< Предыдущий
Следующий >
Последние новости
