Мамлекет алган насыянын эсебинен курулган “Ак кеме” мейманканасынын айланасындагы көп жылдан бери токтобой келе жаткан талаш-тартыш, чыр-чатактарга чекит коюлду көрүнөт. Кечээ мейманкананы соттун чечимине ылайык мамлекет өз карамагына алды. “Ак кеме” мейманканасы соттун чечими менен Каржы министрлигинин балансына берилген. Министрлик Мамлекеттик мүлктү башкаруу фондунун балансына быйыл февралда өткөрүп берген.

Натыйжада “Ак кеме” жетекчилигине имаратты бошотуу тууралуу бир нече жолу эскертүү берилгенине карабай чечимди аткарбай келишкен. Буга байланыштуу Мүлк фонду укук коргоо органдарынын көмөгү менен мамлекет өз мүлкүн бошотуп алды. Ырасында бул туура чечим болду. Мамлекет өз менчигине өзү ээлик кылууга тийиш.

Булак: "Фабула"