www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Ош облусунун Өзгөн районундагы кафелердин биринде чыккан мушташ боюнча териштирүү иштери жүрүп жатат.
Ош облустук ички иштер башкармалыгынын маалыматына ылайык, 2026-жылдын 22-июлунда Өзгөн РИИБге Дөн-Булак айылындагы пиво заводунун жанындагы дүкөндө мас абалдагы жаштар мушташып жаткандыгы тууралуу маалымат түшкөн.
Аталган факты маалыматтык электрондук журналга катталып, алгачкы текшерүү иштери башталган.
Текшерүүнүн жүрүшүндө 21-июлдан 22-июлга караган түнү саат 02:20 чамасында Дөн-Булак айыл аймагындагы кафелердин биринде эс алып отурган эки жаран спирт ичимдиктерин ичип, кийин эсеп төлөөдөн баш тартып жаңжал чыгарганы аныкталган.
Маалыматка ылайык, алар эс алуу жайынын 1984-жылы туулган администратору А.К.ны сабап, денесине жаракат келтиришкен.
Жабырлануучунун арызы кабыл алынып, алган жаракаттарынын оордугун аныктоо үчүн соттук-медициналык экспертиза дайындалды.
Учурда окуяга тиешеси бар делген жарандардын өздүгү аныкталып, тергөө амалдары уланууда.
Милиция окуя боюнча кошумча маалымат кийинчерээк берилерин билдирди.
< Предыдущий
Следующий >
Последние новости
