www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
2026-жылдын 24-мартында Бишкек шаарынын Биринчи май РИИБине Д.С. аттуу жаран арыз менен кайрылып, «Т.» аттуу жаранга карата чара көрүүнү суранган. Анын айтымында, аталган жаран 2025-жылдын март айынан май айына чейинки мезгилде ишеничине кирип, минералдык жана химиялык жер семирткичтерди сатуу боюнча агромагазинге инвестиция салуу шылтоосу менен 3 937 500 (үч миллион тогуз жүз отуз жети миң беш жүз) сом акчасын алдоо жолу менен ээлеп алган. Андан соң өзүнө алган милдеттенмелерин аткарбастан, изин жашырып кеткен.
Аталган факты боюнча Кыргыз Республикасынын Кылмыш-жаза кодексинин 209-(алдамчылык) беренесине ылайык кылмыш иши козголгон.
Жүргүзүлгөн тергөө жана ыкчам-издөө иш-чараларынын натыйжасында Биринчи май РИИБдин кызматкерлери тарабынан 1988-жылы туулган А.Т. аттуу жаран аныкталып, кармалган. Ал Тергөө кызматына жеткирилип, Кыргыз Республикасынын Жазык-процессуалдык кодексинин 96-беренесинин негизинде Бишкек шаарынын Ички иштер башкы башкармалыгынын убактылуу кармоочу жайына киргизилди.
Учурда кылмыш иши боюнча тергөө амалдары улантылууда.
Урматтуу жарандар!
Эгерде сиз аталган жарандан жабыркаган же күбө болсоңуз, төмөнкү номерлерге билдирип коюуну суранабыз: +996 507 346 409 же 102.
< Предыдущий
Следующий >
Последние новости
