www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Түркияда 2016-жылдын 15-июлундагы мамлекеттик төңкөрүш аракети учурунда президент Режеп Тайип Эрдоганды кармоо операциясына катышкан FETÖ уюмунун мүчөсү Буркай Каратепенин көрсөтмөлөрү жарыяланды.
Маалыматка караганда, көп жылдар бою эл аралык издөөдө жүргөн Каратепе өз көрсөтмөсүндө уюмга кантип тартылганын жана төңкөрүш болгон түнү пландалган операция тууралуу айтып берген.
Анын айтымында, FETÖ менен байланышы 1998-жылы мектепте окуп жүргөн кезинде башталып, кийин аскердик окуу жайга тапшыргандан кийин да уланган. Каратепе уюм мүчөлөрү ага экзамен суроолорун алдын ала берип, офицер болуусуна жардам беришкенин билдирген.
Анын көрсөтмөсүндө, 2016-жылдын 15-июлуна чейин бир нече күн калганда Стамбулда жашыруун жыйын өткөнү айтылат. Катышуучуларга маанилүү операцияга даяр болуу, бул тууралуу үй-бүлө мүчөлөрүнө да айтпоо жана жеке байланыш каражаттарын алып жүрбөө тапшырылган.
Каратепенин маалыматына ылайык, төңкөрүш болгон түнү топ тик учак менен Чигли аскер базасына жеткирилген. Ошол жерде алар өлкөдө мамлекеттик төңкөрүш башталганын угуп, алардын милдети президент Эрдоганды жүргөн жеринен кармап, көрсөтүлгөн дарекке алып баруу экени айтылган.
Ал Эрдогандын жайгашкан жери аныкталгандан кийин куралдуу топ операция жүргүзүү үчүн дароо Мармарис шаарына жөнөгөнүн билдирген.
< Предыдущий
Следующий >
Последние новости
