Дүйшөмбү күнү Эр-Рияд шаарына пакистандык сиам эгиздер Суфьян жана Юсуф аларды бөлүү боюнча мүмкүн болгон операцияны кароодон өткөрүү максатында келишти.

Эгиздер Сауд Арабиясынын падышасы Салман бин Абдулазиз Аль Сауд жана мураскер ханзаада Мухаммед бин Салман берген көрсөтмөгө ылайык Сауд Арабиясына жеткирилген. Бул тууралуу Падыша Салман атындагы гуманитардык жардам жана колдоо борбору тараткан маалыматта айтылган.

Келгенден кийин эгиздер Сауд Арабиясынын Улуттук гвардиясынын Саламаттык сактоо министрлигине караштуу Король Абдалла атындагы адистештирилген балдар ооруканасына жеткирилип, текшерүүдөн өткөрүлүп, аларды бөлүү операциясы жүргүзүлөт.

KSrelief уюмунун медиа бөлүмү Arab News басылмасына билдиргендей, «Адатта сиам эгиздерин бөлүү операциясынын мүмкүнчүлүгүн так аныктоо жана операциянын графигин белгилөө үчүн бир нече жума кылдат текшерүү талап кылынат».

Саудиянын сиам эгиздери боюнча программасынын өкүлү операция жүргүзүүгө болобу же жокпу аныктоо үчүн кеңири баалоо жүргүзүлөрүн билдирди.

Аль-Рабиа өз кезегинде Саудиянын жетекчилигине бул гуманитардык демилге үчүн ыраазычылык билдирди.

Ал бул демилге дүйнөнүн ар кайсы өлкөлөрүндөгү оор дартка чалдыккан балдарга жардам көрсөтүү багытындагы Сауд Арабиясынын гуманитардык миссиясын айгинелей турганын айтты.

Саудиялык медициналык команданын сиам эгиздерин бөлүү боюнча тажрыйбасы жана жетишкендиктери өлкөнү бул тармакта дүйнөлүк лидерлердин катарына чыгарып, эгиз балдары үчүн жакшы келечек каалаган үй-бүлөлөр үчүн үмүт шамын жандырды, деп жазат Arab News басылмасы.